Vurria piglia’ d’’o cielo ‘e stelle cchiu’ lucente
pe’ mettere ‘nt’’o core ‘e chi nun tene niente,
pe’ cancella’, accussi’, na vita amara e triste
e ce fa’ allegna’ pe’ sempe ‘a pace ‘e Gesu’ Cristo!
Fede vurria’ fa’ tene’ int’’o Spiritussanto
a chi tene pe’ pane ‘e sufferenze e ‘o chianto
e nu dimane felice e chin’ ‘e abbunnanza
a chi ‘nsieme ‘a fatica ha perz’’a speranza.
Dall’angele me pigliarria ‘e surrise chhiu’ affatate
pe’ mettere ‘ncopp’ ’a vocca ‘e tutt’’e malate,
sana’ le vurria ‘e sufferenze ‘e chesta vita
e fa’ turna’ a surridere ll’ uocchie ammutulite.
A chi ‘a morte ll’ha levato ‘o bbene e ‘a cumpagnia
le vurria da’ pe’ sustegno ‘a Vergine Maria ,
e ‘n’ angulo ‘e paraviso , ma chillo cchiu’ bello,
‘o vurria purta’ ‘nterra pe’ tutt’’e ll’urfanelle
e lla’ farle ‘ncuntra’ ,cu na gioia maje avuta,
‘cu e mamme e cu ‘e papa’ ca nun hanno cunusciuto.
Do’ munno me vurria piglia’ ogni bbene ‘e DDio
p’arriala’ ‘e puverielle prusperita’ e addecrio
e a tutt’’e chelle criature ca moreno p’’a famma
e campano ‘e paura tra guerre , lutte e dramme.
Arriala’ ‘n’anema nova vurria ‘e carcerate
e darle na nova vita senza cchiu’ peccate
e a chille ca nun credono e nun teneno cuscienza
le vurria da’ ‘o perdono ‘e DDio Unniputente .
E a chi me chiedesse pecche’ vurria fa’ chesso
priesto , cu nu surriso , io le repunnesse :
chisto e’ ‘o rialo mio, cchiu’ bello e cchiu’ spiciale
ca vurria fa’ ‘o Bammeniello a’ nott’’e Natale !
Camilllo Ferrara
