Nu suono ‘e zampogna se ne va pe’ ‘sta via
e cunzola doce doce ll’anema mia,
sta’ venenno Natale ma chisto mio core
‘o vurria,comm’a na vota, ’e pace e d’ammore.
Allora,sona zampogna e nun te ferma’ ,
chi chiagne e chi soffre va’ priesto a truva’,
e dint’a notte ‘e mistero e de ‘ncanto
aiutalo a ss’allumma’ ‘e Luce Santa.
Mentre sento ‘sta nenia e me segno cu ‘a croce
me faie allicurda’ ca si’ ll’urtema voce
de sante Natale ca , pure si povere,
ienchevano ‘e gioia ‘stu nustalgico core.
Camillo Ferrara